विद्यार्थ्यांसाठी पूर्णपणे निःशुल्क अभ्यासिकेचे मुलुंडमध्ये लोकार्पण
- by Adarsh Maharashtra
- Sep 06, 2020
- 393 views
मुलुंड :(शेखर भोसले) शनिवार दि. ५ सप्टेंबरला शिक्षक दिनाच्या निमित्ताने मुलुंड पश्चिम येथे “सुराज फाऊंडेशन” च्या वतीने मुंबईतील पहिल्या संपूर्ण वातानुकूित, २४ x ७ तसेच दारिद्ररेषेखालील उच्चशिक्षण घेऊ इच्छिणाऱ्या विद्यार्थ्यांसाठी पूर्णपणे निःशुल्क अभ्यासिकेचे लोकार्पण आमदार सुनिल राऊत यांच्या हस्ते करण्यात आले.
मुलुंड पश्चिम येथील संतोषी माता मंदिरा शेजारी असलेल्या झेनिथ इमारतीमध्ये सदर अभ्यासिका सुरू करण्यात आली असून मुलुंड, ठाणे, भांडुप परिसरातील हुशार, अभ्यासू त्याचप्रमाणे गरजू विद्यार्थ्यांसाठी सागर अरुण आणि ॲड.सुलेश कर्णिक यांनी सुराज फाऊंडेशन तर्फे सदर उपक्रमाची आखणी केली आहे.
परिसरातील असंख्य गरीब व होतकरू विद्यार्थ्यांना या उपक्रमामुळे अहोरात्र अभ्यासाकरिता हक्काची जागा मिळणार असून येथे विद्यार्थ्यांसाठी स्वतंत्र कक्ष, स्वतंत्र आरामदायी आसनव्यवस्था, मार्गदर्शन, इंटरनेट, सीसीटीव्ही, इत्यादी सुविधा निःशुल्क मिळणार आहेत.
सदर लोकार्पण सोहळ्यात शिवसेना नगरसेवक अभिषेक घोसाळकर तसेच अन्य मान्यवरांनी उपस्थित राहून शुभेच्छा दिल्या. या प्रसंगी मुलुंड मधील विद्यार्थी हितासाठी काम करणाऱ्या मराठी शिक्षिका सौ आरती आठवले यांचा सत्कार करण्यात आला. विशेष विद्यार्थ्यांसाठी तथा पोलिस दलातील सर्व बंधू-भगिनीच्या परिवारतील मुलांना पूर्णता मोफत या अभ्यासिकेचा फ़ायदा घेता येणार आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम