बस क्र ३९१ च्या वाहक व चालकांनी भरले रस्त्यावरील खड्डे
- by Adarsh Maharashtra
- Sep 06, 2020
- 842 views
मुलुंड : (शेखर भोसले) मुलुंड वरील रस्त्यांवर जागोजागी पडलेल्या खड्ड्यांमुळे खाजगी वाहनचालकांना त्रास होत आहे परंतु सार्वजनिक वाहन चालकांना देखील या खड्ड्यांचा तेवढाच त्रास होत असल्याचे आढळून आले. मुलुंड मधील प्रभाग क्र १०८ मधील रस्त्यांवर प्रचंड खड्डे पडले आहेत, पालिका प्रशासन मात्र या खड्ड्यांकडे तेवढया गांभीर्याने पाहात नसल्यामुळे तसेच रस्त्यावरील खड्ड्यांकडे दुर्लक्ष करत असल्यामुळे, मुलुंड पश्चिमेला मुलुंड स्टेशन ते खिंडीपाडा या मार्गावर धावणाऱ्या बस क्र ३९१ बसचे बसचालक तात्या निकम व बसवाहक श्रीधर नारकर यांनी खिंडीपाडा येथील रस्त्यावर पडलेल्या खड्ड्यांसाठी स्वतः रस्त्यावर उतरून खड्डे भरण्याचे काम केले.
खिंडीपाडा येथील रस्त्यावर पडलेल्या मोठया खड्ड्यांमुळे बसमधील प्रवाशांना त्रास होत होताच त्याशिवाय बस चालवताना बस खड्ड्यात आपटल्याने बसचे देखील नुकसान होत होते त्यामुळे ३९१ बसचे बसचालक तात्या निकम व बसवाहक श्रीधर नारकर यांनी गोणीतून खडी, सिमेंट मिश्रित रेती आणून खड्डे बुजवायला सुरुवात केली. बस चालक व वाहकांच्या या सामाजिक कार्याबद्दल परिसरातील नागरिकांनी कौतुक केले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम