मुलुंड मधील भाजी विक्रेत्याला लुटनार्या बोलबच्चन टोळीला मुलुंड नवघर पोलिसांनी केली शिताफीने अटक
- by Adarsh Maharashtra
- Aug 05, 2020
- 1070 views
मुलुंड:(शेखर चंद्रकांत भोसले)मुलुंड पूर्व येथील बिनाकुमारी सोसायटीत राहणारे भाजी विक्रेते रामप्रताप यादव यांना दि 1 ऑगस्ट रोजी काही भामटय़ांनी एस पी डिज़ाइन दुकानाच्या समोर, महात्मा फुले रोड, मुलुंड पूर्व येथे गाठून हातचलाखीने त्यांच्याकडील रोख रक्कम रुपये ३०,००० लुटल्या प्रकरणी आज मुलुंड नवघर पोलिसांनी ३ आरोपींना अटक करून त्यांच्याकडील रोख रक्कम रु. ३०,०००/- हस्तगत करून पुढील कायदेशीर कारवाई करण्यात सुरुवात केली आहे.
पोलिस सूत्रांनी दिलेल्या माहितीनुसार मुलुंडला भाजी विकण्याचा धंदा करणारे रामप्रताप यादव हे दि ०१ ऑगस्ट रोजी दुपारी 4.30 वाजता राहत्या घरातून त्यांच्या भाजीपाल्याच्या धंद्याच्या ठिकाणी जाण्यासाठी निघाले असता त्यावेळी त्यांच्याकडे असलेल्या बॅगेत व्यापाऱ्यांना देण्याचे रु. ३०,०००/- रोख रक्कम होती. रस्त्याने जात असतांना संतोष काटकर (वय ४५ वर्षे), अशोक पेडणेकर (वय ५२ वर्षे) सुनील पाटील (वय ५५ वर्षे) या ३ आरोपींनी ऑटो रिक्षा मधून येऊन रामप्रताप यादव यांना हेरून गाठले व ते पोलीस असल्याची बतावणी करून तसेच रामप्रताप यादव हे चरस, गांजाचा धंदा करतात व जवळ बाळगतात असा खोटा आरोप करून त्यांची बॅग जबरदस्ती तपासण्यास घेतली व त्यातील पैसे हातचलाखीने काढून घेऊन तेथून पोबारा केला. रामप्रताप यादव यांना आपण लुटले गेल्याची कल्पना येताच त्यांनी ताबडतोब मुलुंड नवघर पोलिस ठाणे गाठून काही भामटय़ांनी आपली बोलबच्चन करून फसवणूक केल्याची तक्रार पोलिस उपनिरीक्षक संतोष पिलाने यांच्याकडे केली. त्यांच्या तक्रारीनुसार अज्ञात आरोपीं विरोधात नवघर पोलिसांनी भा द वि कलम ४२०, ३४ अन्वये गुन्ह्याची नोंद करून पुढील तपास चालू केला.पो.उ.पिलाने व गुन्हे प्रकटीकरण पथकाने तातडीने घटनास्थळी भेट देऊन तेथील सीसीटीव्ही फुटेजची बारकाईने पाहणी करून गुन्हा करण्यासाठी वापरलेल्या ऑटोरिक्षाचा क्रमांक मिळवण्यात यश आले. त्यावरून लागलीच मालकाचा शोध घेऊन आझाद नगर, कोलशेत रोड, ठाणे येथून आरोपी संतोष काटकर यास ताब्यात घेऊन त्याच्या मार्फत उर्वरित 2 आरोपींचा शोध घेऊन त्यांना ताब्यात घेण्यात आले. त्यांच्याकडे केलेल्या तपासात त्यांनी गुन्ह्याची कबुली दिली व गुन्ह्यात फसवणूक केलेली रोख रक्कम रु. ३०,०००/- हस्तगत करण्यात आली आहे.
सदर गुन्ह्याचा तपास हा प्रभारी पोलीस निरीक्षक उत्तम रिकामे यांच्या मार्गदर्शनाखाली पोलीस उप निरीक्षक संतोष पिलाने, पो.ह. रवींद्र ठाकूर, पो. ना. खैरनार तसेच गुन्हे प्रकटीकरण पथक, नवघर पोलीस ठाणे, मुंबई यांनी उघडकीस आणला.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम