कन्नमवार नगरमधील संक्रमण शिबिरात राहणाऱ्यांना मिळाले हक्काचे घर
- by Adarsh Maharashtra
- Jul 24, 2020
- 577 views
मुलुंड:(शेखर चंद्रकांत भोसले) आज शुक्रवार, दि २४ जुलै रोजी कन्नमवार नगर मधील धोकादायक संक्रमण शिबिरात गेल्या ४० वर्षांपासून जीव मुठीत घेऊन राहणाऱ्या २७८ गाळेधारकांना स्वत:च्या हक्काच्या घरांच्या चाव्या मुंबई इमारत दुरूस्ती व पुनर्वसन मंडळाचे सभापती विनोद घोसाळकर यांच्या हस्ते विक्रोळी येथे आयोजित एका कार्यक्रमात देण्यात आल्या. या गाळेधारकांना हक्काचे घर मिळावे यासाठी विक्रोळी विधानसभेचे आमदार सुनिल राऊत यांचा म्हाडाशी सततचा पाठपुरावा चालू होता.
हक्काचे घर मिळाल्याने या २७८ गाळे धारकांच्या चेहऱ्यावर चाव्या घेतांना आनंद ओसंडून वाहताना दिसत होता. यावेळी भांडूपचे आमदार रमेश कोरगावकर, नगरसेवक उपेंद्र सावंत आणि इतर शिवसेना पदाधिकारी आणि नागरिक उपस्थित होते. धोकादायक संक्रमण शिबिरात राहणाऱ्या रहिवाशांना डिसेंबर अखेरपर्यंत हक्काचे घर देण्यात येईल असे आश्वासन आमदार सुनिल राऊत यांनी यावेळी दिले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम