शिवसेनेपाठोपाठ मनसेही धावली कल्याण-डोंबिवलीकरांच्या मदतीला,धारावी पॅटर्न राबविण्यासाठी वाढवला जनसंपर्क
- by Adarsh Maharashtra
- Jul 22, 2020
- 1797 views
डोंबिवली( श्रीराम खंडू) कल्याण-डोंबिवली महानगरपालिका क्षेत्रात दिवसेंदिवस कोरोना रूग्णांचा आकडा वाढतच चालला आहे. अनेक उपाय योजना शासनातर्फे राबविलेल्या जात आहे. रूग्ण संख्येवर नियंत्रण मिळविण्यासाठी नको असलेल्या त्रासदायक लाॅकडाऊनला नाहक सामोरे जावे लागत आहे. या पार्श्वभूमीवर केडीएमसीने सुरू केलेल्या धारावी पॅटर्नला नगरसेवकांनी प्रतिसाद दिला आहे. शिवसैनिकांना सर्वेक्षण सुरू केल्यानंतर त्यापाठोपाठ मनसेनेही धारावी पॅटर्न राबविण्यासाठी जनसंपर्क वाढवला आहे.
कल्याण डोंबिवलीत कोरोनाचा वाढता प्रादुर्भाव व कोरोनाची साखळी तोडण्यासाठी पालिका प्रशासनाकडून विविध उपायोजना सुरू आहेत. घरोघरी जाऊन प्रत्येक नागरिकाची तपासणी, करोनाची लक्षणे दिसणाऱ्या नागरिकाची अलगीकरणात रवानगी, त्यांची स्वब टेस्ट करत 10 दिवसात जास्तीत जास्त करोना रुग्ण हुडकून काढत शहरातील करोनाचा प्रसार आटोक्यात आणणारा धारावी पॅटर्न कल्याण-डोंबिवली शहरात राबविण्याचा निर्णय पालिका आयुक्त डॉ. विजय सूर्यवंशी यांनी घेतला आहे. प्रत्येक प्रभागातील सर्व राजकीय पक्षाचे प्रतिनिधी, स्वयंसेवक संघटना आणि खाजगी डॉक्टर यांनी या मोहिमेत सहभागी होण्याचे आवाहन पालिका आयुक्त डॉ. विजय सूर्यवंशी यांनी केले होते. या आवाहनाला शिवसेनेने प्रतिसाद दिला. कल्याण पूर्वेकडील भवानीनगर शाखेच्या 30 शिवसैनिकांनी योगिधाम, मिलिंद नगर, आदी परिसरात घरोघरी सर्वेक्षण सुरू केले. शहरातील इतर शाखांच्या माध्यमातून सर्वेक्षण सुरू आहे. पुढील चार-पाच दिवसात हे सर्वेक्षण पूर्ण करण्याचा प्रयत्न असून आसपासच्या प्रभागात देखील सर्वेक्षण करणार असून कुणाला मदतीची गरज लागल्यास संपर्क साधावा, असे आवाहन ज्येष्ठ नगरसेवक राजेंद्र देवळेकर यांनी केले आहे.
तर दुसरीकडे कल्याण-डोंबिवलीकरांवर आलेल्या संकटातून काही प्रमाणात मुक्ती देण्यासाठी आता कल्याण-डोंबिवली महानगरपालिका परिसरातील पुन्हा एकदा मनसे अध्यक्ष राज ठाकरे यांचे महाराष्ट्रसैनिक स्वत:च्या जीवाची पर्वा न करता वाढत्या कोरोना रूग्ण संख्येवर नियंत्रण मिळविण्या साठी स्थानिक प्रशासनाला मदत म्हणून रस्त्यावर उतरलेले दिसले. चेस दि व्हायरस करत कोरोना महामारीवर नियंत्रण मिळविण्याठी धारावी पॅटर्न सुत्रानुसार आता प्रत्यक्ष घराघरांत जाऊन प्रत्येक नागरीकांची मनसैनिकांकडून स्क्रिनिंग, आॅक्सिजन लेवल तपासणी करून त्यांना मार्गदर्शन केले जात आहे. तसेच एखादा संशयीत रूग्ण आढळल्यास महापालिका प्रशासनाच्या मार्गदर्शक सुचीनुसार संबंधित रूग्णांचे विलगीकरण व मोफत चाचणी करण्यात येणार आहे. त्यासाठी मनसे नेते तथा आमदार प्रमोद उर्फ राजू पाटील यांच्या मार्गदर्शनानुसार सद्या हे पॅटर्न डोंबिवलीच्या ग्रामीण पट्ट्यातील घारीवली, काटई, उसरघर, संदप व पलावा परिसरातील स्थानिक पदाधिकाऱ्यांच्यामार्फत विविध परिसरात, तसेच कल्याण जवळच्या मोहने-कोळीवाडा येथे मनसेचे स्थानिक पदाधिकारी, विद्यार्थी सेना पदाधिकारी, मनसैनिक हा पॅटर्न घराघरांमध्ये जाऊन राबवत आहेत. कोरोनाच्या या भयंकर संकटकाळात मनसेचे कार्यकर्ते जागोजागी अडीअडचणीतील नागरिकांना आपली मदत सेवा पुरवत आहेत. जे ऊन-पावसाची तमा न बाळगता, तसेच जीवावर उदार होऊन घरोघरी जाऊन सर्व्हे करताना दिसत आहेत.
तर दुसरीकडे कल्याण-डोंबिवलीकरांवर आलेल्या संकटातून काही प्रमाणात मुक्ती देण्यासाठी आता कल्याण-डोंबिवली महानगरपालिका परिसरातील पुन्हा एकदा मनसे अध्यक्ष राज ठाकरे यांचे महाराष्ट्रसैनिक स्वत:च्या जीवाची पर्वा न करता वाढत्या कोरोना रूग्ण संख्येवर नियंत्रण मिळविण्या साठी स्थानिक प्रशासनाला मदत म्हणून रस्त्यावर उतरलेले दिसले. चेस दि व्हायरस करत कोरोना महामारीवर नियंत्रण मिळविण्याठी धारावी पॅटर्न सुत्रानुसार आता प्रत्यक्ष घराघरांत जाऊन प्रत्येक नागरीकांची मनसैनिकांकडून स्क्रिनिंग, आॅक्सिजन लेवल तपासणी करून त्यांना मार्गदर्शन केले जात आहे. तसेच एखादा संशयीत रूग्ण आढळल्यास महापालिका प्रशासनाच्या मार्गदर्शक सुचीनुसार संबंधित रूग्णांचे विलगीकरण व मोफत चाचणी करण्यात येणार आहे. त्यासाठी मनसे नेते तथा आमदार प्रमोद उर्फ राजू पाटील यांच्या मार्गदर्शनानुसार सद्या हे पॅटर्न डोंबिवलीच्या ग्रामीण पट्ट्यातील घारीवली, काटई, उसरघर, संदप व पलावा परिसरातील स्थानिक पदाधिकाऱ्यांच्यामार्फत विविध परिसरात, तसेच कल्याण जवळच्या मोहने-कोळीवाडा येथे मनसेचे स्थानिक पदाधिकारी, विद्यार्थी सेना पदाधिकारी, मनसैनिक हा पॅटर्न घराघरांमध्ये जाऊन राबवत आहेत. कोरोनाच्या या भयंकर संकटकाळात मनसेचे कार्यकर्ते जागोजागी अडीअडचणीतील नागरिकांना आपली मदत सेवा पुरवत आहेत. जे ऊन-पावसाची तमा न बाळगता, तसेच जीवावर उदार होऊन घरोघरी जाऊन सर्व्हे करताना दिसत आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम