कटेंटन्‍मेंट झोन मध्ये सर्वेक्षण करणाऱ्या स्वयंसेवकांना मिळणार प्रोत्साहनपर भत्ता :दररोज १५० घरांचे सर्वेक्षण केल्यास मिळणार ३५० रुपये
- by Adarsh Maharashtra
- Jul 21, 2020
- 848 views
डोंबिवली ( श्रीराम खंडू) कल्याण डोंबिवली महानगरपालिका कार्यक्षेञात कोरोना आजाराचा वाढता प्रादुर्भाव लक्षात घेता कटेंटन्‍मेंट झोन मधील सर्वेक्षण अधिक प्रभावीपणे करणेसाठी महापालिका कर्मचा-यांबरोबरच स्‍वयंफूर्तीने काम करणा-या स्‍वयंसेवकांचा सहभाग देखिल आवश्‍यक आहे. या स्वयंसेवकांना प्रोत्‍साहन देण्‍यासाठी दररोज 150 घरांचे सर्वेक्षण केल्यास त्यांना रू.350/- इतकी प्रोत्साहनपर रक्‍कम अदा केली जाणार आहे.
त्याचप्रमाणे अंगणवाडी सेविकांनी व आशा वर्कर्सनी कोव्हिड -19 करीता कंटेंटमेंन्ट झोन मध्ये प्रति दिन 150 घरांचे सर्वेक्षण केल्यास प्रत्येक अंगणवाडी सेविकेस व प्रत्येक आशा वर्कर्सला त्या दिवसाचे रु. 350/- मानधन देण्यात येईलत्याचप्रमाणे अंगणवाडी सेविकांनी/आशा वर्कर्सनी त्यांचा परिचयाच्या स्वयंसेवकांना सर्वेक्षणाच्या कामात सहभागी केल्यास त्या अंगणवाडी सेविकेस/आशा वर्कर्सना प्रति स्‍वयंसेवक रू.100/- इतकी प्रोत्साहनपर रक्‍कम एकदाच दिली जाईल. माञ त्या स्‍वयंसेवकाने किमान 1 महिना सर्वेक्षणाचे काम समाधानकारकरित्‍या पूर्ण केल्‍यावरच ही प्रोत्साहनपर रक्‍कम त्या अंगणवाडी सेविकेस/आशा वर्कर्सला दिली जाईल. या योजने अंतर्गत सहभागासाठी अंगणवाडी सेविका व आशा वर्कर्स यांनी नजीकच्‍या नागरी आरोग्‍य केंद्रांशी संपर्क साधून काम करायचे आहे, असे आदेश महापालिका आयुक्‍त डॉ. विजय सूर्यवंशी यांनी दिले आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम