कन्नमवार नगरच्या संक्रमण शिबिरातील रहिवाशांना मिळणार पक्की घरे
- by Adarsh Maharashtra
- Jun 29, 2020
- 396 views
मुलुंड :(शेखर चंद्रकांत भोसले) विक्रोळीच्या कन्नमवार नगर येथील संक्रमण शिबिराचा प्रश्न खूप दिवसांपासून प्रलंबित असून या इमारतीतील नागरिक गेल्या कित्येक दिवसां पासून जीव मुठीत घेऊन राहत आहेत. त्यांना हक्काची पक्की घरे मिळावीत यासाठी विक्रोळी विधानसभेचे आमदार सुनिल राऊत हे बऱ्याच दिवसांपासून प्रयत्नशील होते. यासंदर्भात आमदार सुनिल राऊत यांनी गेल्या आठवड्यात म्हाडाच्या दुरुस्ती मंडळाचे अध्यक्ष विनोद घोसाळकर यांच्या सोबत बैठक घेतली आणि कन्नमवार नगर येथील संक्रमण शिबिरातील मोडकळीस आलेल्या इमारतीच्या रहिवाशांना नवीन घरे देण्याबाबत चर्चा केली.
आमदार सुनिल राऊत यांनी केलेल्या प्रयत्नांना यश येणार असल्याचे दिसत असून म्हाडाचे दुरुस्ती मंडळाचे अध्यक्ष विनोद घोसाळकर यांनी जुलैच्या ७ तारखेला या नागरिकांना पक्की घरे देण्याचे मान्य केल्याचे सूत्रांकडून समजले. तसेच इतर संक्रमण शिबिराबाबत लवकरात लवकर निर्णय होणार असल्याचे समजले. या बैठकीनंतर विक्रोळीतील जुन्या व नवीन इमारतींची पाहणी यावेळी करण्यात आली.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम