मुलुंड पूर्व येथील ईस्टर्न मॅजेस्टी इमारतीच्या रेफ्यूजी मजल्यावर किरकोळ आग
- by Adarsh Maharashtra
- Jun 27, 2020
- 1108 views
मुलुंड :(शेखर चंद्रकांत भोसले) मुलुंड पूर्व येथील टाटा कॉलनी परिसरातील ईस्टर्न मॅजेस्टी या इमारतीच्या ९ व्या मजल्यावर किरकोळ आग लागल्याने अग्निशमन दलाला पाचारण करण्यात आले. अग्निशमन दलाच्या जवानांनी तात्काळ येवून ही किरकोळ आग विझवली व परिस्थिती नियंत्रणात आणली.
ईस्टर्न मॅजेस्टी या १६ मजली इमारतीच्या ९ व्या निर्वासित (रेफ्यूजी) मजल्यावर मधमाशांचे मोठे पोळे तयार झाले होते. त्यामुळे तेथे व इमारतीच्या वरील मजल्यांवर मधमाशांचा सतत वावर असायचा. या मधमाशांच्या त्रासाला कंटाळून इमारतीच्या रहिवाशांनी सोसायटीच्या पदाधिकाऱ्यांना हे पोळे काढायला सांगितले होते. त्यानुसार आज सकाळी मधमाशांचे पोळे काढणाऱ्या तज्ञ कामगारांनी येवून पोळ्याला आग लावून मधमाशांना हटवायचा प्रयत्न केला असता, ही आग बाजूला असलेल्या प्लास्टिकच्या शीटला लागल्याने पेट घेतला. परिणामी धूर झाल्याने एकच कल्लोळ झाला. रहिवाशांनी मोठी आग लागली असे वाटल्याने लिफ्टचा विजेचा प्रवाह बंद केला, काही रहिवासी भीतीने तळमजल्याला जमा झाले तर काहींनी अग्निशमन दलाला फोन केला.
आगीची वर्दी मिळताच अग्निशमन दलाच्या दोन गाडय़ा ताबडतोब घटनास्थळी हजर झाल्या. अग्निशमन दलाच्या जवानांनी परिस्थिती ताब्यात घेतली व आगीवर नियंत्रण मिळवले. या आगीत कोणतीही जीवित वा वित्तहानी झाली नाही.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम