पूर्व द्रुतगती महामार्गावरील ठाणे प्रवेशद्वाराची कमान पालिकेने तोडली.
- by Adarsh Maharashtra
- Jun 14, 2020
- 675 views
मुलुंड :(शेखर चंद्रकांत भोसले)पूर्व द्रुतगती महामार्गावर ठाण्याच्या प्रवेशद्वाराजवळील कमान जीर्णावस्था झाल्यामुळे ठाणे महानगर पालिकेकडून तोडण्यात येत असून पावसाळ्यात या कमानीची अधिक पडझड होवू नये म्हणून तातडीने ही कमान तोडण्याचे काम ठाणे पालिकेकडून हाती घेण्यात आले आहे. कमानीची पडझड झाल्याने पावसाळ्यात, सोसाट्याच्या वाऱ्यात अधिक पडझड होवून कमानीखालून जाणाऱ्या वाहनचालकांना धोका निर्माण झाला असता तसेच कदाचित मोठी दुर्घटना घडण्याची शक्यता होती त्यामुळे ही कमान पाडण्यात आली, असे ठाणे महानगर पालिकेच्या अधिकाऱ्यांनी सांगितले.
दुरवस्था झालेली ही कमान तोडण्यात येत असल्यामुळे येथून नियमित प्रवास करणाऱ्या वाहनचालकांनी देखील सुटकेचा निःश्वास सोडला आहे. या कमानीची दुरवस्था झाल्यामुळे कमानी खालून जाणाऱ्या वाहनांना धोका निर्माण झाला होता तसेच भविष्यात मोठा अपघात होण्याची शक्यता होती त्यामुळे ही कमान पाडण्याचा निर्णय प्रशासनाकडून घेण्यात आला. त्यातच पावसाळ्यात, सोसाट्याच्या वाऱ्यात आधीच जीर्ण झालेली कमान अधिक जीर्ण होवून दुर्घटना होण्याची शक्यता होती, यासाठीच युध्दपातळीवर कमान पाडण्याचे काम हाती घेण्यात आले. ही कमान तोडण्यास सुरुवात केली तेव्हा महामार्गावरून येणाऱ्या-जाणाऱ्या गाड्यांच्या वाहतुकीवर काहीसा परिणाम झाला मात्र लॉकडाऊनमुळे अधिकच्या गाडय़ा रस्त्यावर येत नसल्याने मोठ्या प्रमाणात वाहतूक जाम होत नव्हती, त्यामुळे वाहनचालकांना देखील दिलासा मिळाला.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम