मुलुंडमधील घरकाम करणाऱ्या महिलांचा टी वार्ड पालिका कार्यालयावर मोर्चा
- by Adarsh Maharashtra
- Jun 09, 2020
- 924 views
मुलुंड :(शेखर चंद्रकांत भोसले) कोरोनामुळे लादण्यात आलेल्या लॉकडाउनच्या काळात घरकाम करणाऱ्या महिलांवर उपासमारीची वेळ आली आहे. कोरोनाचे संक्रमण टाळण्या साठी घरकाम करणाऱ्या महिलांना कामावर बोलविण्यात घर मालकांनी बंद केले होते परंतु शासनाने लॉकडाऊनमध्ये शिथिलता आणल्यानंतरही बहुसंख्य सोसायटय़ानी व अनेक घरमालकांनी अद्याप कोरोनाच्या भीतीने या महिलांना घरकामासाठी येण्यास मज्जाव केला असल्यामुळे बेरोजगारीची कुऱ्हाड या घरकाम करणाऱ्या महिलांवर कोसळली आहे.
मुलुंडच्या इंदिरानगर परिसरात राहणाऱ्या घरकाम करणाऱ्या महिलांनी अखेर रस्त्यावर उतरून लोकप्रतिनिधी आणि प्रशासनाच्या विरोधात आपला संताप व्यक्त केला. या महिलांनी पालिकेच्या टी प्रभागाच्या दिशेने मोर्चा काढला परंतु पोलिसांनी वेळीच घटनास्थळी धाव घेऊन या महिलांना समजावून त्यांना मागे परतावून लावले. अचानक शेकडो महिला रस्त्यावर उतरल्यामुळे या परिसरात एकच गर्दी झाली होती त्यामुळे सोशल डिस्टंसिंगला मात्र हरताळ फासला गेला. पोलिसांनी या महिलांचे म्हणणे ऐकून घेतले व योग्य ती सकारात्मक पाऊले उचलण्याचे आश्वासन दिले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम