मुलुंड शिवसेना शाखेत वैद्यकीय मदत कक्षाला सुरुवात
- by Adarsh Maharashtra
- Jun 08, 2020
- 1333 views
मुलुंड :(शेखर चंद्रकांत भोसले) कोरोनाच्या पार्श्वभूमीवर खाजगी दवाखाने बंद असल्याने नागरिकांना आरोग्य तपासणीसाठी वणवण फिरावे लागत आहे तसेच गोरगरिबांना, हातावर पोट असलेल्यांना सध्या रोजदार नसल्यामुळे अश्या लोकांना मोफत उपचार मिळावेत यासाठी महाराष्ट्राचे मुख्यमंत्री उध्दव ठाकरे यांनी शिवसेनेच्या प्रत्येक शाखेत मोफत वैद्यकीय मदत कक्ष चालू केला जाईल असे काही दिवसांपूर्वी घोषित केले होते. त्याला अनुसरून मुलुंड पश्चिम येथील शिवसेना शाखा क्र १०४ आणि मुलुंड पूर्व येथील शाखा क्र १०६ च्या शाखेत आजपासून वैद्यकीय मदत कक्ष सकाळी १० ते दूपारी १ या काळात चालू करण्यात आले असून यात ताप, सर्दी, खोकला, अंगदुखी यावर तपासणी होवून मोफत औषधोपचार केले जात आहे. एमसीएचआई आणि बीजेएस यांच्या सौजन्याने आणि ईशान्य मुंबई विभागप्रमुख रमेश कोरगांवकर आणि महिला विभाग संघटिका संध्या वढावकर यांच्या मार्गदर्शनाखाली हे वैद्यकीय मदत कक्ष चालू करण्यात आले आहेत.
आज पहिल्या दिवशी प्रत्येक शाखेत साधारण २०९ नागरिकांनी या वैद्यकीय मदत कक्षाचा लाभ घेवून औषध घेतले. यावेळी थर्मल टेम्परेचर स्कॅनिंग मशीन द्वारा तापमान तपासण्यात येत होते. मुलुंड विधानसभेचे कार्यालय प्रमुख सीताराम खांडेकर, उपविभागप्रमुख दिनेश जाधव तसेच शाखाप्रमुख व इतर शिवसैनिक यावेळी उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम