मुंबई ( जीवन तांबे )चेंबूर येथील एम पश्चिम विभागात आत्तापर्यंत कोरोना बाधित  771 रुग्ण आढळले आहे. त्यात  64 कोरोना बाधित रुग्णाचा मृत्यू झाला आहे. 

पी.एल लोखंडे मार्गावर 190 कोरोना बाधित रुग्णाची संख्या गेली.

102 रुग्णांनी आतापर्यंत कोरोनावर मात केली आहे. 16 जणांचा मृत्यू झाला आहे. गुरुवारी 5 कोरोना बाधित रुग्ण आढळले आहेत. या ठिकाणी कोरोना रोखण्याकरिता पालिका, पोलीस  तारेवरची कसरत करीत आहे. 

एम पश्चिम विभागात 771 कोरोना बाधित रुग्ण असून त्यातील 223 रुग्ण रुग्ण बरे झाले असले तरी चेंबूर येथील पी.एल लोखंडे मार्गावरील झोपडपट्टी कोरोना बाधित रुग्णाची संख्या आज ही वाढत असल्याचे दिसत आहे. महात्मा फुले नगर, नागे वाडी, मालेकर वाडी, मुकुंद नगर, पंजाब वाडी, एकता मित्र मंडळ, अमीर बाग, सिध्दार्थ रिसिडनसी मध्ये कोरोना बाधित रुग्ण झापडले आहेत.

 या परिसरातील डॉ. बाबासाहेब आंबेडकर महाविद्यालयातील इमारतीत रहात असलेले काँग्रेसचे नेते व माजी समाजकल्याण मंत्री  हे देखील कोरोनाच्या पकडीत सापडले आहेत.

आंबेडकरी चळवळीतील  दलित पँथर पासून  समाजकल्याण मंत्री पद सभाळणारे हंडोरे यांनी कोरोनाच्या महामारीत स्वतःची पर्वा न करता जनतेला सतत मदत करीत आहेत. स्वत: झोपडपट्टीत फिरून निर्जंतुकीकरण फवारणी, मेडिकल कॅम्प, स्वच्छता मोहीम घेणे, धान्य वाटप करणे, जेवण वाटणे, लोकांना घराबाहेर न पडण्याचे आवाहन करीत होते. अनेक जनतेच्या सतत संपर्कात ते येत असल्याने त्यांना कोरोनाची लागण झाली आहे. त्यांची कोरोना चाचणी दोन वेळा पॉसिटीव्ह आली आहे. त्यांना कोपरखैराणे येथील रिलायन्स रुग्णालयात उपचाराकरिता दाखल करण्यात आले.