मुंबई ( जीवन तांबे )चेंबूर येथील एम पश्चिम विभागातील अत्यावश्यक सेवेत काम करणाऱ्या  कामगाराना रिलायन्स कंपनीने दिलेले कूपन लवकर देण्यात यावे अन्यथा काम बंद  आंदोलन करण्याचा इशारा  म्युनिसिपल मजदूर युनियनच्या पदाधिकारी यांनी दिला आहे.

मुंबई शहरात कोरोनाने थैमान घातले असल्याने या कोरोना विरोधात पालिकेच्या अत्यावश्यक सेवेतील कामगार लढा देत आहेत. या कामगारांना रिलायन्स कंपनीच्या वतीने 1500 ते 2000 घरातील जीवनावस्तू  भरण्याचे कुपन दिले आहेत. परन्तु एम पश्चिम विभागात  घन कचरा व्यवस्थापन, रोड, रिपेअर, सिव्हरेज, ड्रेनेज, मलेरिया, पाणी खाते व इतर चतुर्थ श्रेणी कामगारांना अद्याप हे कुपन देण्यात आलेले नाही. या बाबत एम पश्चिम विभागातील अधिकारी यांच्या निदर्शनास आणून दिले आहे. तसेच एफ दक्षिण विभाग कार्यकारी आरोग्य अधिकारी यांना पत्रव्यवहार करण्यात आला आहे.

याबाबत खाते प्रमुख व सहा. आयुक्त यांच्याकडे संपर्क विचारणा केल्यावर त्यांनी फक्त एकूण  400 ते 500 फक्त कुपन आल्याचे सांगितले.

परंतु एक लाखाच्या आसपास रिलायन्स कंपनीकडून कुपन्स एफ दक्षिण विभाग आरोग्य खात्याकडे आले असताना एम पश्चिम विभागातील अधिकारी आपल्या विभागातील कामगारांना का कुपन देत नाही असा  आरोप  युनियनने केला आहे. महापालिका आरोग्य अधिकारी व ईतर प्रशासकीय अधीकारी यांनी एम पश्चिम विभागांतील कामगारांना लवकरात लवकर कुपन्स  देण्यात यावे तसेच संबधीत अधीकारी यांच्याकडे कूपनची सखोल चौकशी करुन कारवाई करावी अशी मागणी म्युनिसिपल मजदूर युनियनचे संतोष कांबळी, चिटणीस संदीप मोते यांनी केली आहे.