मुंबई : संपूर्ण देशभर कोरोना व्हायरस थैमान घालत असून देशात महाराष्ट्र राज्य प्रथम क्रमांकावर आहे. राज्याची राजधानी मुंबईमध्ये दिवसागणिक कारोना बधितांची संख्या झपाट्याने वाढत आहे. कोरोना आजारामुळे देश लॉकडाऊन् केला असल्यामुळे मुंबईतील कामगारांवर आणि नागरिकांवर उपासमारीची वेळ आली आहे. तसेच विभागातील रहिवाश्यांच्या ताटातील भाजी गायब झाली आहे. ही समस्या ओळखून कुलाबा तालुका काँग्रेस कमिटी, माजी  खासदार मिलिंद देवरा आणि आमदार भाई जगताप यांच्या वतीने शेतकरी बांधवांकडून ताजा भाजीपाला आणि फळे आपल्या दारी ही संकल्पना सूरू केली असून या मोहिमेतून नागरिकांना ताजी भाजी अल्प दारात आपल्या दारात मिळत आहे. रहिवाशांची ही गरज ओळखून त्यांना भाजीपाला उपलब्ध करून दिल्याबद्दल फोर्ट येथील रहिवाश्यांनी आणि गृहिणींनी त्यांचे आभार मानले. सध्या देशावर कोरोनाचे संकट ओढवल्याने नागरिकांचे जगणे मुश्कील झाले आहे अशा कठीण समयी आपण त्याना अन्नधान्य, भाजीपाला  आणि आवश्यक वस्तूंचा पुरवठा त्यांच्या घरापर्यंत उपलब्ध करावा जेणेकरून त्यांना आवश्यक वस्तू घरापर्यंत मिळतील. मी नागरिकांना आवाहन करतो की त्यानां कोणत्याही जीवनावश्यक वस्तूंची गरज असल्यास आमच्या कार्यकर्त्यांशी संपर्क करावा असे आवाहन आमदार भाई जगताप यांनी विभागीय जनतेला केले आहे. हा भाजीपाला विभागीय जनतेसाठी अपना बाजार समोर, फोर्ट येथे लोकडाऊन संपेपर्यंत उपलब्ध असणार असल्याची माहिती काँग्रेस वॉर्ड अध्यक्ष अस्लम खान यांनी दिली. काँग्रेस पदाधिकारी आणि कार्यकर्त्यांनी अतिशय उत्तम पध्दतीने या भाजीपाला विक्रीचे व्यवस्थापन केले आहे त्याबद्दल आम्ही त्यांचे आभारी आहोत.