कर्जत(धर्मानंद गायकवाड):- रायगड जिल्ह्यातील कर्जत तालुक्यांतील नेरळ शहरातील प्राथमिक आरोग्य केंद्रातील एका वैद्यकीय तज्ञाचा भावाला कोरोना झाल्यानंतर भावाचा संपर्कात आलेल्या “त्या” वैद्यकीय तज्ञाची कोरोना चाचणीचा रिपोर्ट निगेटीव्ह आल्यानंतर आता नेरळ शहारात सापडलेल्या ४० वर्षीय कोरोनाग्रस्त तरुणाचे कुटुंबातील सदस्यांची कोरोना चाचणीचे रिपोर्ट निगेटीव्ह अाल्याची माहीती समोर आली आहे. त्यामुळे नेरळसह कर्जतकरांनाही दिलासा मिळाला आहे.

         याबाबत अधिक माहीती कर्जत तालुक्यांतील नेरळ शहरातील एक ४० वर्षीय तरुण ठाणे परीसरात एका फार्मा कंपनीत नोकरी करीत होता. त्यामुळे लाॅक डाऊन कालातही हा तरुण अत्यावश्यक सेवा म्हणुन नेरळ ठाणे ये-जा करीत होता.  मात्र या कंपनीत कोणी कोरोना पाॅझिटीव्ह सापडल्याने या तरुणासह अनेकांना होम क्वारंटाईन करण्यात येवुन या कामगारांची कोरोना चाचणी करण्यात आली होती. त्यामधे नेरळमधील ४० वर्षीय तरुण कोरोना पाॅझिटीव्ह आला होता. त्यामुळे नेरळ शहरात प्रंचड खळबळ माजली आहे. नेरळ शहरात कोरोना रुग्ण सापडल्याने नेरळ शहर सील करण्यात आले आहे. तर या तरुणाचा कुटुंबियाना पनवेल खारघर येथे नेवुन क्वारंटाईन करण्यात येवुन त्यांची कोरोना चाचणी करण्यात आली.

         मात्र “त्या” कोरोनाग्रस्ताचा कुटुंबाची कोरोना चाचणीचा रिपोर्ट काल निगेटीव्ह आल्याने नेरळ शहरात एकच उत्साह पसरला आहे. रायगड बाहेर काम करीत असल्यानेच या तरुणाला कोरोना झाल्याची चर्चा आता नेरळ शहरात जोरदार सुरु आहे. तर लाॅक डाऊन कालात नेरळ बाहेर जाणाऱ्यांची यादी काढली जात असुन अशांना बाहेर जाणेस अटकाव घालण्यात येणार आहे. तसेच बाहेर जावुन अत्यावश्यक सेवा बजावीत असणाऱ्यांनी कुटुंबाचा सुरक्षिततेसाठी तेथेच राहण्याची मागणी होत आहे. त्यामुळे कर्जत तालुक्यांत बाहेरुन कोरोना येण्यास आटकाव येणार असल्याने येथिल जनता सुरक्षित राहणार आहे. विशेष म्हणजे सुरक्षिततेचा द्रुष्टीने कर्जत तालुक्यांतुन रायगड जिल्ह्याचा सिमा जबरदस्त पॅक करण्यात आल्या आहेत. जिल्ह्यबाहेरुन येथे येणे व जाणे अशक्य होवुन बसले आहे. त्यामुळे पोलिसही प्रंचड सतर्क राहीले आसुन नेरळ व कर्जत पोलिसांनी येथे वातावरण टाईट केले आहे.

         दरम्यान कर्जत तालुक्यांतील नेरळ शहरात कोरोनाग्रस्त रुग्ण सापडल्याने प्रंचड वातावरण तंग झाले होते. येथे गेली ३ दिवस सर्वत्र शुकशुकाट पसरला आहे. स्मशान शांतता नेरळ शहरात पसरल्याचे दिसुन आले आहे. अत्यावश्यक सेवाही येथे बंदच ठेवण्यात आल्या आहेत. त्यामुळे येथे एकच खळबळ माजली असतानाच काल सकाळपासून नेरळकरांना हव्याशा बातम्या येत असल्याने नेरळकरांना दिलासा मिळाला आहे. काल सकाळीच येथिल प्राथमिक आरोग्य केंद्रांचे डाॅक्टर व त्यांची पत्नीची कोरोना  चाचणी निगेटीव्ह आली, आणि त्यानंतर काल रात्री नेरळ मधे सापडलेल्या कोरोनाग्रस्त रुग्णाचा कुटुबांतील सदस्यांची कोरोना चाचणी निगेटीव्ह आल्याचे समोर आले. आणि येथिल नागरिकांना दिलासा मिळाला. त्यामुळे येथिल नागरीकांनी सुटकेचा श्वास सोडला आहे. तर नेरळ शहरात सापडलेल्या या कोरोनाग्रस्ताचा संपर्कात असलेला त्याचा मित्र नेरळ शेजारीच एका गावात राहात असल्याने  त्याचीही कोरोना चाचणी करण्यात आली अाहे. त्यामुळे  आता त्याचा रिपोर्ट काय येतो, याकडेच साऱ्यांचे लक्ष लागुन राहीले आहे. कर्जतचे तहसिलदार विक्रम देशमुख, कर्जतचे उपविभागीय पोलिस अधिकारी अनिल घेरडीकर, गटविकास अधिकारी बालाजी पुरी, नेरळचे पोलिस अधिकारी अविनाश पाटील, नेरळचे सरपंच रावजी शिगंवा, वैद्यकीय तालुका अधिकारी श्री मोरे, मंडळ अधिकारी माणिक सानप हे सतर्क राहीले आहेत. त्यामुळे घरात राहा, सुरक्षित राहा, बाहेर जाणे टाळा, असे आवाहन यावेळी प्रशासनाने जनतेला केले आहे.