मुंबई- वरळी पाठोपाठ धारावी कोरोना विषाणूचे केंद्र बिंदू ठरत आहे. धारावीत गेल्या २४ तासांत नवे १५ रुग्ण आढळल्याने धारावीतील कोरोनाग्रस्त रुग्णांची संख्या १०१ वर पोहोचली आहे. तर १०१ कोरोना पाॅझिटीव्ह रुग्णांपैकी आतापर्यंत १० जणांचा कोरोनामुळे मृत्यू झाल्याची माहिती पालिका आरोग्य विभागाकडून देण्यात आली.   धारावीत गेल्या २४ तासांत १५ नवे कोरोना पाॅझिटीव्ह रुग्ण आढळले ते कोरोना बाधित रुग्णांच्या हायिरक्स ंसपर्कातत आल्याने त्यांना लागण झाल्याचे आरोग्य विभागाकडून सांगण्यात आले. नव्याने १५ रुग्ण आढळले त्यामध्ये १२ पुरुष व तीन महिलांचा समावेश आहे.  धारावीच्या मुस्लिम नगर , माटुंगा लेबर कॅम्प , इंदिरा नगर , लक्ष्मी चाळ , जनता सोसायटी , सर्वोदय सोसायटी , सोशल नगर मुकुंद नगर, सोशल नगर या परिसरात हे १५ नवीन कोरोना पाॅझिटीव्ह रुग्ण आढळले आहेत. तर  मुकुंद नगर परिसरातील कोरोना पाॅझिटीव्ह रुग्णांची संख्या १८ झाली आहे. तर कोरोना पाॅझिटीव्ह रुग्णांमुळे हाॅटस्पाॅट ठरलेल्या धारावीत कोरोनाग्रस्त रुग्णांची संख्या १०१ वर पोहोचली असून त्यापैकी १० जणांचा मृत्यू झाला आहे.  धारावीत आतापर्यंत कोरोनाचे एकूण १०१ रुग्ण आढळून आले असून मुकुंद नगर येथेच १८ कोरोना पाॅझिटीव्ह रुग्ण आढळले आहेत. धारावीत डॉ. बलिगा नगर येथे ५ रुग्ण आढळले असून तीन जण दगावले, वैभव अपार्टमेंट २,  मदिना नगर २ , धनवाडा चाळ १, मुस्लिम नगर २१ त्यापैकी १ मृत्यू, सोशल नगर १० त्यापैकी एकाचा मृत्यू, जनता सोसायटी ९ , कायलन वाडी ४ त्यापैकी दोघांचा मृत्यू , पीएमजीपी कॉलनी १, मुर्गन चाळ २, राजीव गांधी चाळ ४ , शास्त्रीनगर केळा वखार ४, नेहरू चाळ येथे एकाचा मृत्यू,  इंदिरा चाळ ४ व गुलमोहर चाळ १, ट्राझीटं कॅम्प १, साई राज नगर १ व रामजी चाळ १ असे एकूण  १०१ कोरोना पाॅझिटीव्ह रुग्ण धारावीतील विविध भागांत आढळले आहेत. या १०१ रुग्णांपैकी १० कोरोनाग्रस्त रुग्णांचा मृत्यू झाला आहे.  आज नव्याने जे कोरोना पाॅझिटीव्ह रुग्ण आढळले त्यात  पुरुष २१ , २४ , २५ वर्षांचे तीन पुरुष २७ , २८ , १९ , ३७ , , ५८ , ६५ वर्षांचे असून ,महिलांची वये २४ , ५४ , व ७२ , अशी आहेत असे कोरोना पाॅझिटीव्ह रुग्ण आज धारावीत आढळले आहेत.