अग्निशमन दलातील अधिकाऱ्याच्या कुटुंबातील दोघांना कोरोना
- by Adarsh Maharashtra
- Apr 16, 2020
- 608 views
मुंबई - मुंबई महानगर पालिकेच्या अग्निशमन दलातील वरिष्ठ अधिकाऱ्याच्या कुटुंबातील दोन महिलांना कोरोनाची लागण झाल्याची धक्कादायक बाब समोर आली आहे. सुदैवाने संबंधित कुटुंबातील इतरांचे कोरोना चाचणी रिपोर्ट कोरोना निगेटिव्ह आले आहेत. दरम्यान, सदर अधिकारी राहत असलेल्या मजल्यावर अन्य अधिकाऱ्यांच्या कुटुंबियांना सुरक्षित ठिकाणी हलविण्यात आले आहे. तसेच त्यांच्या संपर्कात आलेल्या काही अधिकाऱ्यांच्या कुटुंबियांना क्वारंटाईन करण्यात आले आहे. भायखळा येथील अग्निशमन दलाच्या मुख्यालयाला लागून कर्मचारी, अधिकाऱ्यांचे निवासस्थान आहे. दोन दिवसांपूर्वी या वसाहतीतील वरिष्ठ अधिकाऱ्याच्या कुटुंबातील दोन महिलांचा कोरोना चाचणी अहवाल पॉझिटिव्ह आला. त्यानंतर त्यांना तात्काळ रुग्णालयात दाखल करण्यात आले. तसेच त्यांच्या संपर्कातील लोकांची ई विभाग कर्यालाच्या आरोग्य विभागाने एका विशेष तपासणी शिबिराच्या माध्यमातून तपासणी केली. मात्र आणखी कोरोना पॉझिटिव्ह रुग्ण आढळले नाहीत. दरम्यान, पालिकेच्या ई विभागाच्या आरोग्य विभागामार्फत याकडे विशेष लक्ष देण्यात येत आहे. निर्जंतुकीकरण मोहिमेत असलेल्या जवानांना स्व संरक्षणाचे सर्व साहित्य दिलेले आहेत. तसेच योग्य खबरदारी घेण्यात येत आहे, असे अग्निशमन दलाचे प्रमुख प्रभात रहांदळे यांनी सांगितले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम