जगभरात कोरोना विषाणूचा कहर सुरु आहे. या संसर्गासमोर सामर्थ्यवान देशही असहाय्य आहेत, परंतु असा कोणताही रोग नसल्याचे सांगणाराही एक देश आहे. अगदी त्याने आपल्या देशात कोरोना शब्दाच्या वापरावर बंदी घातली आहे. आश्चर्य म्हणजे या देशालगतच्या इराणमध्ये कोरोनाने एक भयानक रुप धारण केले आहे. 

तुर्कमेनिस्तान असा देश आहे जो  कोरोना शब्द लिहिण्यास किंवा बोलण्यास मनाई करण्यात आली आहे. त्याचबरोबर मास्क घातल्यास कारवाई करण्याचा आदेश जारी केला आहे. राष्ट्राध्यक्ष गुरबांगुली बैरडेमुकमेडोव्ह यांनी हा फतवा काढला आहे. इतकेच नव्हे तर विशेष एजंट लोकांमध्ये फिरत आहेत, जे कोणाकडून कोरोनाची चर्चा ऐकल्यास त्यांना तुरूंगात पाठवतात. 

या देशात आतापर्यंत एकही कोरोना प्रकरण अधिकृतपणे नोंदवले गेले नाही. ही बाब तज्ज्ञांनाही पचनी पडलेली नाही. तुर्कमेनिस्तान आपले आकडे लपवत असल्याचा आरोप होत आहे. सुमारे एक महिन्यापूर्वी या देशाने आपल्या देशाच्या सीमा लॉक केल्या होत्या. त्याचवेळी चीनसह इतर देशांकडून येणार्‍या विमानांचे मार्गही वळवले होते. 

तुर्कमेनिस्तानमध्ये लोकांची थर्मल स्क्रीनिंगही केली जात आहे. परंतु, असे असूनही, इतर देशांव्यतिरिक्त तेथे जीवन सामान्य आहे. लोक मोठ्या संख्येने सार्वजनिक मेळाव्यात एकत्र येत आहेत. वाढदिवस असो किंवा लग्न, लोक मोठ्या संख्येने पोहोचत आहेत. तथापि, तुर्कमेनिस्तानने असे आकडे लपवण्याची ही पहिली वेळ नाही. या देशाने एड्स आणि प्लेगसह अनेक आजारांची आकडेवारी लपवली आहे. त्याचबरोबर प्रेस स्वातंत्र्याच्या बाबतीतही १८० देशांच्या यादीत हा देश अखेरचा आहे.

सनातनी विचारांसाठी प्रसिध्द असलेल्या राष्ट्रपतींनी आजार रोखण्यासाठी एक चमत्कारिक आदेशही जारी केला आहे. त्यांनी देशातील सर्व सार्वजनिक ठिकाणी हरमाळा नावाची पारंपारिक वनस्पती लावण्यास सांगितले आहे. त्यांचा असा विश्वास आहे की ही वनस्पती रोगाचा प्रादुर्भाव रोखण्यासाठी प्रभावी आहे. याशिवाय सरकारी जाहिराती, शाळा आणि भिंतींवरील कोरोनाशी संबंधित कोणतीही बाब दूर केली जात आहे. कोरोनाऐवजी श्वसन रोग किंवा आजार हा शब्द वापरला जात आहे.