उल्हासनगर (प्रतिनिधी): उल्हासनगर कॅंप २ येथिल कमला नेहरु नगरात राहणाऱ्या कृष्णा नागेंद्र सिंग या अल्पवयीन मुलाचे २०१५ मध्ये अपहरण करण्यात आले होते. परंतु उल्हासनगर क्राईम ब्रॅंचच्या पथकाने योग्य तपास करुन त्या मुलाचा शोध लावत त्याला दिल्ली येथुन सही सलामत आणुन आई च्या ताब्यात दिल्याने त्याच्या आईला अश्रु अनावर झाले. हि माहीती सहाय्यक पोलिस आयुक्त (गुन्हे शोध-१ ) किसन यांनी पत्रकार परिषदेत दिली आहे .
उल्हासनगर कॅंप २ येथिल कमला नेहरु नगर मध्ये राहणारा कृष्णा नागेंद्र सिंग १५ या मुलाचे २०१५ मध्ये कोणी तरी अज्ञात इसमाने अपहरण केले होते. तेव्हा त्याच्या आईने उल्हासनगर पोलिस ठाण्यात मिसींग व अपहरणाची तक्रार दाखल केली होती. दरम्यान या मुलाचा शोध उल्हासनगर पोलिस व क्राईम ब्रॅंच हे दोन्ही घेत होते . दरम्यान काईम ब्रॅंचे वरिष्ठ पोलिस निरीक्षक महेश तरडे यांना या मुलाबाबत माहिती मिळाली की हा मुलगा दिल्ली येथे आहे . तेव्हा महेश तरडे यानी आपल्या पथकातील अधिकारी कर्मचाऱ्याना सुचना देऊन त्या मुलाच्या नातेवाईका मार्फत त्याला दिल्ली येथुन बोलवून घेतले . दरम्यान त्याची विचारपुस  केली असता त्याने सांगितले की पाच वर्षापुर्वी मी आई वर रागावून निघून गेलो होतो . तर तीन वर्ष भायखळा येथिल भाजी मंडईत काम करुन नंतर मित्रा सोबत गोवा येथे गेलो . त्या नंतर दिल्ली येथे जाऊन मिळेल ते काम करु लागलो अशी धक्कादायक माहीती कृष्णा याने दिली . दरम्यान त्याच्या आईला कृष्णा मिळाल्याची खबर पोलिसानी दिली असता ती फारच खुष झाली असुन तिच्या ताब्यात कृष्णाला दिले तेव्हा तिचे अश्रू अनावर झाले अशा प्रकारे आई व मुलाची पाच वर्षा पासुन  झालेली ताटातुट क्राईम ब्रॅंच घटक १ ने जुळवून आणली . ही माहीती सहाय्यक पोलिस आयुक्त (गुन्हे शोध) किसन गवळी यांनी दिली आहे . सदर ची कामगिरी क्राईम ब्रॅंच चे वरिष्ठ पोलिस निरीक्षक महेश तरडे,पोलिस निरीक्षक मनोहर पाटील, सह पोलिस निरीक्षक श्रीमती झेंडे , पोलिस उपनिरीक्षक गणेश तोगरमल, पोलिस नाईक जगदिश कुलकर्णी  व नवनाथ वाघमारे यानी केली असून या पथकाचे पोलिस आयुक्त विवेक फणसळकर यांनी कौतुक करुन अभिनंदन केले आहे .