लावंघर उपसा सिंचन योजनेस तत्वत: मान्यता - जयंत पाटील
- by Adarsh Maharashtra
- Mar 04, 2020
- 696 views
मुंबई, : सातारा तालुक्यातील उरमोडी पाटबंधारे प्रकल्पांतर्गत असलेल्या लावंघर उपसा सिंचन योजनेस तत्वत: मान्यता देण्यात आली असून त्याबाबत पुढील कार्यवाही करावी, असे निर्देश जलसंपदा मंत्री जयंत पाटील यांनी दिले.
विधानभवन येथे यासंदर्भात बैठक आयोजित करण्यात आली. यासंदर्भात संकल्पन व अंदाजपत्रक बाबत पुढील कार्यवाही करावी, असेही निर्देश देण्यात आले.
लावंघर उपसा सिंचन योजनेसंदर्भात झालेल्या चर्चेत भूसंपादन, न्यायालयीन अडीअडचणी, पाण्याची आवश्यकता व बचत याबाबत सविस्तर चर्चा झाली. या प्रस्तावित लावंघर योजनेमध्ये लावंघर, म्हसकरवाडी, शिंदेवाडी, करंजे, करुन व आंबावडे या सहा गावांचा समावेश असून प्रस्तावित क्षेत्र ३५५ हेक्टर (आयसीए) इतके आहे.
यावेळी आमदार शिवेंद्रराजे भोसले, महाराष्ट्र कृष्णा खोरे विकास महामंडळाचे कार्यकारी संचालक खलिल अन्सारी तसेच सातारा पाटबंधारे प्रकल्प अधीक्षक अभियंता बी.आर. पवार व इतर अधिकारी उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम