खार येथे इमारतीचा भाग कोसळून दहा वर्षाची मुलगी ठार
- by Adarsh Maharashtra
- Sep 24, 2019
- 1222 views
मुंबई: खार जिमखान्याच्या जवळ असणाऱ्या पूजा अपार्टमेंट नावाच्या एका पाच मजली इमारतीचा काही भाग कोसळला. आज दुपारच्या सुमारास ही घटना घडली. या दुर्घटनेत एक दहा वर्षाची मुलगी ठार झाली असून दोन महिला किरकोळ जखमी झाल्या आहेत. अग्निशमन दलाच्या चार गाड्या घटनास्थळी रवाना झाल्या असून बचावकार्य सुरू आहे. पूजा अपार्टमेंट नावाच्या या इमारतीचा मधला भाग आज दुपारी १.१५ मिनिटांच्या आसपास अचानक कोसळला. खार रोड क्रमांक १७ वर ही इमारत आहे. कोसळेला भाग जिन्याकडचा असल्याचे सांगितले जात आहे. काही जण ढिगाऱ्याखाली अडकले असल्याची भीती व्यक्त करण्यात येत आहे. तळमजल्यासह सहा मजले असलेली ही इमारत खार जिमखान्याजवळ आहे. या दुर्घटनेत माही दिनेश मोटवानी या दहा वर्षाच्या मुलीचा ढिगाऱ्याखाली दबून मृत्यू झाला आहे. तर भावना वसंत अंचन आणि सुरेखा भाऊसाहेब लोखंडे या दोन महिलांना ढिगाऱ्याखालून सुखरूप बाहेर काढण्यात आले आहे. या दोन्ही महिलांना किरकोळ मार लागला होता. त्यांच्यावर वांद्रे येथील भाभा रुग्णालयात उपचार करण्यात आले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम