आजचा संघर्ष आहे तो उद्याचे नवीन सामर्थ्य निर्माण करू शकतो

मी पै. संदीप (भाऊ) शेंडगे, वस्ताद (जय हनुमान तालीम संघ, वाखरी)  एका छोट्याशा संघर्षाची गोष्ट सांगू इच्छितो, जो आजचा संघर्ष आहे तो उद्याचे नवीन सामर्थ्य निर्माण करू शकतो पण यासाठी लोकांनी विचार बदलले पाहिजेत म्हणजे नक्कीच त्यांच्या मुलांचे भविष्य बदलेल. जो संघर्ष स्वातंत्र्य प्राप्तीनंतर गावपातळीवर चालू होता आणि त्याच संघर्षातून हिंद केसरी  मारुतीभाऊ माने यांच्या सारख्या मल्लांनी  गावपातळीवर खेडेगावातील तालमीत सराव करत खूप  मेहनत करून आपल्या देशाचा तिरंगा झेंडा सातासमुद्रापार फडकावला. मला असे वाटते कि ते दिवस आता पाहायला मिळत नाहीयेत तीच जिद्द,तीच चिकाटी, तोच संघर्ष हरियाणा मधील खेडेगावांमध्ये पाहायला मिळत आहे आणि हेच कारण आहे कि ज्यामुळे तेथे आंतरराष्ट्रीय दर्जाचे मल्ल तयार होत आहेत आणि आपली व आपल्या देशाची मान उंचावत आहेत. हेच महाराष्टाच्या वैभव परत मिळवण्यासाठी आणि आपल्या मुलांनाही आधुनिक काळातील मॅटवरील कुस्ती आणि उत्तम प्रशिक्षक(कोच) मिळावेत यासाठी आम्ही उभारलेली हि छोटीशी चळवळ,         


सर्वप्रथम आम्ही कुस्तीबद्दल जनजागृती करण्याचे काम हाती घेतले आणि यामध्ये १४ वार्षांखालील मल्लांच्या पालकांची भेट घेतली आणि त्यांच्याबरोबर आजच्या काळातील कुस्तीची गरज  व आपली मुले यांच्याविषयी संवाद साधला आणि याचाच परिणाम म्हणून गावातील तालमीत पन्नास ते साठ मुले व  मुली प्रशिक्षणासाठी येऊ लागली. काही दिवसांनी शालेय कुस्ती स्पर्धामध्ये आपली मुले अत्याधुनिक सुविधांमुळे मागे पड्तायेत हि गोष्ट आमच्या लक्षात आली त्यामुळे आम्हाला मॅट आणि इतर  साहित्याची कमतरता जाणवली. आता या साहित्यासाठी गरज होती ती पैश्यांची म्हणून आम्ही गावातील तरुण मुले, त्यांचे पालक आणि वडीलधारी माणसे यांच्याशी या समस्येवर चर्चा केली आणि गावातील लोकांनीही लोकवर्गणीतून हे साहित्य उभं  करायचं ठरवलं. एवढंच  नाही तर वाखरी ग्रामस्थ व तालुक्यातील काही प्रतिष्ठित व्यक्तींनी सढळ हाताने मदत केली. २ लाख रुपयांपर्यंत लोकवर्गणी जमा झाली.

त्यानंतर मॅट व इतर साहित्य उपलब्ध करताना खूप चांगले वाईट अनुभव आम्हाला आले पण म्हणतात ना "इच्छा असेल तर मार्ग दिसेल". त्यातला एक अनुभव  म्हणजे मॅट  विकत घेताना आला. मॅट  विकत घेत असताना एजन्ट लोक MRP  पेक्षा ७० ते ७५ हजार रुपये आगाऊ घेत होते. जी ट्रैनिंग मॅट आम्ही १ लाख १० हजार रुपयांना मिळाली.(साईझ ८ मीटर x ८ मीटर x  ७ सेंटीमीटर जाडी ) त्याच मॅटची  किंमत एजन्ट १ लाख ८५ हजार सांगत व क्वालिटीमध्ये पण तडजोड करावी लागत होती. हा अनुभव सांगण्याचे तात्पर्य एकाच कि जर आपणही एजन्ट च्या मदतीने घेत असाल तर तुमचेही दिवाळे निघू शकते. आजच्या इंटरनेट च्या युगात तुम्ही कोणत्याही कंपनीशी थेट संपर्क साधून एकदम माफक दरात वस्तू घेऊ शकता. 

आज आमच्या छोट्याशा चळवळीचे फलित या  फोटोमध्ये        

आपलाच 

ऐक कुस्ती धेयवेडा

पै, संदीप (भाऊ)शेंडगे

रिपोर्टर

  • Adarsh Maharashtra
    Adarsh Maharashtra

    Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.

    आदर्श महाराष्ट्र वेब टीम

संबंधित पोस्ट