काठी चालवण्याच्या आजीबाईंच्या कसरतीला उपस्थितांचा सलाम

ज्‍येष्‍ठ कसरतपटू शांताबाई पवार यांचा गृहमंत्री अनिल देशमुख यांच्‍या हस्‍ते सन्मान

पुणे : दि. २५ गृहमंत्री अनिल देशमुख यांच्‍या हस्‍ते ज्‍येष्‍ठ कसरतपटू श्रीमती शांताबाई पवार यांना राष्ट्रवादी काँग्रेस पक्षाच्या वतीने एक लक्ष रुपये तसेच साडी-चोळी देवून पुण्‍यात शांताबाईंच्या घरी गौरवण्‍यात आले.


यावेळी शांताबाई यांनी काठी चालवण्याची कमालीची कसरत गृहमंत्र्यांना करून दाखवली.ते पाहून गृहमंत्र्यांसह सर्व उपस्थितांनी जोरदार टाळ्या वाजून आजीबाईंच्या कसरतीचे कौतुक केले.

शांताबाई पवार यांनी कसरतीचे काही प्रकार करुन आपण या वयातही आरोग्‍यसंपन्‍न असल्‍याचे दाखवून दिले. त्याचे गृहमंत्र्यांनी कौतुक केले तसेच शांताबाईंना शासकीय योजनेतून योग्‍य ती मदत दिली जाईल, असे सांगितले. 

पुणे पोलीस आयुक्‍तालयाच्‍या ‘भरोसा सेल’मार्फत ज्‍येष्‍ठ नागरिकांना मदत केली जाते, आतापर्यंत १५ हजारांहून अधिक ज्‍येष्‍ठ नागरिकांना विविध प्रकारे मदत करण्‍यात आली आहे. पोलीस विभागामार्फत अधिकाधिक मदत देण्‍याचाही प्रयत्‍न केला जाणार असल्‍याचे गृहमंत्री म्हणाले. तसेच येणारी बकरी ईद, गणेशोत्‍सव, व इतर सण उत्सव साजरी करताना नागरिकांनी शांतता तसेच कोरोना संदर्भातील नियमांचे योग्य पालन करावे, असे आवाहन त्यांनी यावेळी केले.  या वेळी आ. चेतन तुपे उपस्थिती होते.     


रिपोर्टर

  • Adarsh Maharashtra
    Adarsh Maharashtra

    Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.

    आदर्श महाराष्ट्र वेब टीम

संबंधित पोस्ट